{ LIFESTYLE }
10 May 2021
林奕匡擔任色士風手與共融樂團True Colors Symphony合奏 夢想於樂園開演唱會

向來積極關顧弱勢社群的奕匡Phil近日他便聯同本地宣揚互相接納、彼此包容與和諧共處的非牟利機構及香港最大共融樂團 True Colors SymphonyTCS重新演繹迪士尼動畫電影《阿拉丁》中的經典歌曲A Whole New World並於香港迪士尼樂園的全新奇妙夢想城堡前拍攝MV場面夢幻又壯觀。True Colors Symphony樂團和迪士尼樂園一向積極提倡社會共融。而今次Phil在這次合作中暫時放低歌手的身份,充當色士風手,與來自不同背景的21名樂手一同合奏,完全體現了共融、和諧的一面。Phil談及今次參與其中原因時說道:「一來關於音樂,二來身邊有朋友是視障人士或其他殘人士,知道佢哋玩音樂都唔容易,所以今次可以同True Colors Symphony合奏係好有意義嘅事,仲要係去香港迪士尼樂園個能夠令夢想成真嘅地方拍攝MV對佢哋嚟講呢個體驗一定係好難忘嘅回憶。」



 

有別以往,Phil今次擔任一位樂手吹奏色士風,他坦言十分享受,因為今次合作讓他回想起求學時夾Band的日子Phil說:「以前會返學前、Lunch Time或者放學後夾Band,而我玩嘅係爵士樂樂隊,色士風手係會坐喺前排位置,今次拍MV亦一樣,所以好多回憶湧現。作為歌手,一個人去演出時需要突出自己個性,但一大班人演奏,就要互相聆聽,全部人透過音樂融為一體。今次身份角色唔同咗,但同不同嘅樂手一齊玩樂器,而且仲要中西樂器混合埋一齊,好正!」






今次演奏迪士尼其中一個公主故事的電影主題曲
A Whole New WorldPhil也認為別具意義,他說:「歌曲有一個好重要嘅訊息,係『無限變化及可能』,就好似我細個喺外國長大,代表學校表演、參賽得獎,都令我有返小量自信,而喺呢個樂團裡面,唔同年齡層,唔同殘障問題嘅樂手,音樂都係佢哋自信心嘅來源,透過音樂展現佢哋嘅才華。希望透過今次合作,可以改變大家對殘障人士嘅睇法,透過音樂呢個共通語言,認識到佢哋另外一面,帶領大家認識到一個新世界。」


 除了合奏外,Phil亦要與True Colors Symphony一起於香港迪士尼樂園拍攝MV,拍攝期間,可見Phil特別關心各團員的狀況,他解釋道:「鏡頭下都想呈現大家最開心嘅一刻,但因為要著西裝又要喺猛烈陽光下拍攝,佢哋可能未必習慣,所以都會盡量令佢哋開心啲。」而這次在華麗變身後的奇妙夢想城堡前拍攝,Phil亦印象難忘,他說:「城堡高咗大咗,顏色唔同咗,因為係設計靈感係來自13個有關不同公主和女王嘅故事,包括白雪公主、灰姑娘、寶嘉康蒂公主等等,將唔同嘅故事、種族等概念融合喺一個城堡嘅設計裡面,好切合呢個MV共融嘅主題。」其實全新的城堡亦象徵勇氣、希望和無限可能,被問到可有甚麼夢想時,Phil即笑言:「夢想就可以好大喇!例如開大型演唱會、做音樂劇、唱電影主題曲,甚至喺香港迪士尼樂園開演唱會,不過總括而言可以參與唔同音樂範疇嘅嘢,都會係好正嘅機會呢!」






News
Feature
Blog
News
Feature
Blog
Load more
 
NOTIFICATION